WATOTO WAKILELEWA KWENYE MISINGI INAYOTAKIWA, ITAWAPUNGUZIA MZIGO POLISI

Posted on: June 19th, 2024

Na. Paul Kasembo, SHY RS.

MGANGA Mkuu wa Mkoa wa Shinyanga Daktari Yudas Ndungile kuwa watoto wakilelewa katika misingi inayotakiwa itawapunguzia mzigo Jeshi la Polisi katika suala la uhalifu kwani watakuwa na maadili na kimsingi wanapaswa kuanza kulelewa wakiwa bado wadogo.

Dr. Ndungile ameyasema haya wakati wa ufunguzi wa kikao cha tathimini za Halmashauri sita za Mkoa wa  Shinyanga zikilenga kufanya tathimini ya utekelezaji wa Programu Jumuishi ya Taifa ya Malezi,Makuzi na Maendeleo ya  Awali ya Mtoto  (PJT-MMMAM) ili kufikia ukuaji timilifu wa watoto.

"Watoto watakapolelewa kwenye misingi inayotakiwa  itawezekana kuwapunguzia mzigo Jeshi la Polisi katika suala la uhalifu  kwani wanatakiwa waanze kulelewa wakiwa  bado wadogo," amesema Dr. Ndungile.

Kwa upande wake Afisa Ustawi wa Jamii Mkoa wa Shinyanga Bi. Lyidia Kwesigabo amesema  katika maazimio matano  waliyojiwekea watahakikisha wanayafanyia kazi na kuyaboresha ikiwemo kushirikisha taasisi  binafsi katka kuwalinda watoto na kuwapatia miundombinu rafiki.

Aidha, Maaifsa ustawi wa jamii  kutoka halmashauri zote waliwasilisha tathimini katika maeneo yao ikiwa programu ya (MMMAM) ilizinduliwa  rasmi kwenye  halmashauri hizo mwezi Februari mwaka huu.

Kando nao, mwakilishi kutoka Mtandao wa Malezi, Makuzi na  Maendeleo ya Awali ya Mtoto  nchini (TECDEN ) Ndg. Christopher Peter amezipongeza Halmashauri zote kwa kuanza kupiga hatua katika utekelezaji wake, huku akisistiza uwajibikaji zaidi.

HABARI PICHA

Dr. Yudas Ndungile

Bi. Lydia Kwesigabo