OR - TAMISEMI YATOA MAFUNZO YA KUWAJENGEA UWEZO MAAFISA TARAFA NA WATENDAJI WA KATA MKOA WA SHINYANGA

Posted on: November 29th, 2023

Na. Shinyanga RS.

KATIBU Tawala Msaidizi, Sehemu ya Elimu na Mafunzo ya Ufundi Mkoa wa Shinyanga Mwl. Dafroza Ndalichako amefungua Mafunzo ya Kuwajengea Uwezo Maafisa Tarafa na Watendaji wa  Kata tarehe  29 Novemba, 2023 Mkoani Shinyanga.

Akifungua mafuzo haya  kwa niaba ya Katibu Tawala Mkoa wa Shinyanga Prof. Siza Tumbo Mwl. Ndalichako ametoa wito kwa Maafisa hao kuhakikisha wanayachukua na  kuyazingatia yale yote wanayofundishwa na sio kuyacha wakitoka hapo sababu mafunzo hayo yatawaongezea maarifa na ujuzi katika  utekelezaji wa majukumu yao.

Amewataka kujua na kukumbuka wao ni  viongozi sahihi na kuchaguliwa kwao hakujakuwa kwa bahati mbaya bali walionekana wanaweza kuisaidia Serikali katika kutoa huduma iliyobora kwa wananchi wake.

Naye Mkurugenzi wa Idara ya  Serikali za Mitaa, Ofisi ya Rais -TAMISEMI  Hamisi Mkunga amesema, kama Wizara inavyofanya kazi na wananchi wake moja moja  itaendelea  kusimamia maadili ya watumishi wa umma  inayowasimamia na pia kuhakikisha watumishi hao wanajengewa uwezo na kupewa mafunzo kwa ajili ya kuwa waadilifu, waaminifu na  wabunifu katika maeneo yao ya kazi.